لە ڕووداوێکی هاتووچۆدا ٢ کەس گیانیان لەدەسەدا
فازڵ حاجی گوتەبێژی هاتوچۆی هەولێر دەڵێت:
هەمو کات لێخوڕین لەژێر کاریگەری ماددەی سەرخۆشکەر ماڵوێرانی و کارەساتی بەدواوە دێت.
کاتژمێر ٩ـی ئەمشەو، لەسەر شەقامی خەدەمی ١٢٠ مەتری هەولێر ،هیۆندایەکی تایبەت بەهۆی تیژڕۆیی کۆنتڕۆڵی لەدەستدا و چووە ڕێڕەوی بەرامبەر و لەوێ خۆی کێشا بەتاکسیەکی نیسان، کەئەندامانی یەک خێزانی تێدابوو، وە پێکدادانەکە ڕووبەڕوو بوو ، بەداخەوە لەدەرەنجامی خۆپیاکێشانەکە دووکەس گیانیان لەدەستدا و کەسێکی تریش بەسەختی زامداربوو ، کەسەرجەمیان شوفێر و سەرنشینی تاکسیەکە بوون ، لەکاتی لێکۆلینەوە و پشکنینی هیۆندایەکە دەرکەوت کە شوفێرەکە بڕێکی زۆری ماددەی سەرخۆشکەری خواردبووەوە ،کە ئەمەش وایکردبوو لێخوڕینەکەی بەبێئاگایی بێت.
تکایە لەژێر کاریگەری ماددەی سەرخۆشکەر بەهەر بڕێک بێت لێخوڕین مەکەن،چونکە ماڵوێرانییەکان لەدوای خواردنەوە دەستپێدەکەن.
